Bizi eşidə bilirsən?

‘Sosial Exo’ layihəsi korporativ sosial məsuliyyət çərçivəsində yaradılan, cəmiyyət içərisində siyasi, dini, irqi, bir sözlə ayrı-seçkiliyə yön verə biləcək istənilən fəaliyyətdən kənar, müasir cəmiyyətin təfəkküründə yaşayan önəmli problemləri əks etdirmək üçün yaradılmış bir layihədir.

‘Sosial’ və ‘exo’ sözlərinin birləşməsindən ərsəyə gələn layihə qlobal çərçivədə narahatlıq doğuran, xüsusilə, sosial-ekoloji mövzular istiqamətində əks-səda yarada biləcək bir anlayışın xəbərçisidir.

Biz inanırıq ki, musiqi və ritmlərin missiyası yalnız insanları əyləndirmək, onları yaşadığımız dünyanın reallıqlarından və qlobal problemlərindən uzaqlaşdırmaqdan ibarət deyil. Səslərin və ritmlərin harmoniyası bizlərin insanlığa və dünyaya olan münasibətimiz haqqında düşünməmizə təsir göstərir.

Bu yolda insanın enerji balansını nizama salan, düşüncələrimizin ən dərin nöqtələrinə çatmaqda vasitəçilik edən əsrarəngiz alət - ‘Handpan’ bizim bələdçimiz, əks-sədamız olacaqdır.